Balya Sakhi (1954)

ആ ചിത്രങ്ങളിലൊക്കെ ഞാനും ശ്രീ. പ്രേംനസീറുമായിരുന്നു നായികാ നായകന്മാര്‍. മറ്റുള്ളവരെല്ലാം സ്ഥിരമാള്‍ക്കാര്‍. മെരിലാൻഡ് ചിത്രങ്ങൾക്കുള്ള ഗുണവും ദോഷവും അതുതന്നെ. കുഴപ്പം, ചിത്രങ്ങളില്‍ പങ്കെടുക്കുന്നത് ഒരേ ‘ടീ’മാണെന്നുള്ളതാണ്. കാണികള്‍ക്ക് എപ്പോഴുമതു രസിച്ചെന്നുവരില്ല. പുതുമയാണല്ലോ എല്ലാവര്‍ക്കും വേണ്ടത്.

അപ്പോള്‍, മെച്ചപ്പെടുന്നുണ്ടെന്നു അംഗീകരിപ്പിക്കാൻ ഒന്നിനൊന്നു വളരെ പ്രയാസപ്പെടണം. നീരൂപകര്‍, ഇക്കാരണങ്ങളാലാവാം, പതിയെ കുറ്റപ്പെടുത്തിത്തുടങ്ങിയിരുന്നു. ചില നിരൂപകപ്രമാണികള്‍ എന്നെപ്പറ്റി തീരെ മോശമായ ഒരഭിപ്രായമാണു പുലര്‍ത്തിക്കൊണ്ടുവന്നതും. തീര്‍ച്ചയായും, നിരൂപണമാവശ്യമാണ്. പക്ഷേ, സൃഷ്ടിപരമായിരിക്കണമെന്നു മാത്രം.

സ്വന്തമഭിപ്രായം പറയാനാര്‍ക്കും അധികാരമുണ്ട്. വെറും കുറ്റം പറച്ചില്‍ മാത്രമായാലോ? ചിത്രനിര്‍മ്മാതാവിന്‍റേയും നടീനടന്മാരുടേയും സാങ്കേതികവിദഗ്ദ്ധന്മാരുടേയും വിഷമതകള്‍ കുറെയൊക്കെ നിരൂപകന്‍ മനസ്സിലാക്കണം. ‘ബാല്യസഖി’ യില്‍ എന്‍റെ അഭിനയത്തെപ്പറ്റിയുള്ള അഭിപ്രായം വായിച്ചപ്പോള്‍ കൂടുതല്‍ വേദനതോന്നി. അതിനു കാരണവുമുണ്ടായിരുന്നു. അഭിപ്രായം വായിക്കാനിടയായ സാഹചര്യമായിരുന്നുവത്.

കോഴിക്കോട്ടു നടന്ന ഒരു നാടകോത്സവത്തിനു ജഡ്ജ് ആയിട്ടു എനിക്കു പോകേണ്ടിവന്നു. ശ്രീ. പി. ഭാസ്ക്കരനും, ശാന്താ പി. നായരുടെ ഭര്‍ത്താവ് ശ്രീ.പത്മനാഭന്‍നായരുമായിരുന്നു മറ്റു രണ്ടു വിധികര്‍ത്താക്കള്‍. മത്സരവും നാടകോത്സവവുമൊക്കെ അവസാനിച്ചപ്പോള്‍ മറ്റുള്ളവര്‍ക്കു നിര്‍ബ്ബന്ധം, വിധിനടത്തിയവരെ വിസ്തരിക്കണമെന്ന്. അങ്ങനെ പിറ്റേദിവസം ഞങ്ങളും ഒരു നാടകമവതരിപ്പിക്കേണ്ടിവന്നു. തിക്കൊടിയന്‍റെ ‘കന്യാദാന’ മായിരുന്നു
നാടകം.

തിരുവിതാംകൂര്‍കാരായ ഒരച്ഛനും മകളും മലബാറില്‍ കുടിയേറി പാര്‍ക്കുന്നതും അച്ഛന്‍ മരിക്കുമ്പോള്‍ മകളെ ഒരു നായര്‍യുവാവും കുടുംബവും രക്ഷിക്കുന്നതുമാണ് കഥ. തിരുവിതാംകൂറുകാരായി ഞാനും ശ്രീ. അടൂര്‍ഭാസിയുമുണ്ടായിരുന്നു. ഞങ്ങള്‍ അച്ഛനും മകളുമായി, ഭാസ്ക്കരനുമഭിനയിച്ചു. ആകപ്പാടെ നാടകമൊരു വിജയമായിരുന്നു. ഞാനും ഭാസിയുമൊക്കെ വളരെ നന്നായത്രേ. എല്ലാവരുടേയും പുകഴ്ത്തലും വാഴ്ത്തലുമൊക്കെ കേട്ട് സന്തോഷത്തള്ളലോടെ നില്ക്കുമ്പോഴാണ് ‘മാതൃഭൂമി’ കയ്യില്‍ കിട്ടിയത്; ‘ബാല്യസഖി’യുടെ നിരൂപണവുമുണ്ടായിരുന്നുവതില്‍.

എന്നെയാകെ തെറിപറഞ്ഞിരിക്കുന്നു. വല്ലാത്ത സങ്കടം തോന്നി. കൂടെ ദേഷ്യവും. ‘ബാല്യസഖി’യില്‍ നസീര്‍ കൂടാതെ ശ്രീമതി കുമാരി തങ്കവും ഉണ്ടായിരുന്നു. സൗന്ദര്യമുള്ള ഒരു നടി. വളരെ സന്തോഷമായേ പെരുമാറുകയുള്ളു. തങ്കമിപ്പോള്‍ പ്രൊഡ്യൂസര്‍ സത്യപാലിന്‍റെ ഭാര്യയാണ്; രണ്ടു കുട്ടികളുടെ മാതാവും. നല്ലയൊരു കുടുംബിനിയായി സുഖമായി ജീവിതം നയിക്കുന്നു.

A lot of my movies of that time had me & Prem Nazir playing lead roles, and the entire cast & crew were regular team members. This aspect of Merryland movies had started creating a feeling of repetition among the audience and critics alike. Everybody, at some point looks for novelty, which they were not getting. Critics had started criticizing me, but the problem was that the criticism was not creative. Some critics were blindly criticizing me.
During a drama festival, I was one of the judges and after the festival, all the judges were asked to present a drama. We presented ‘Kanyadanam’, a story revolving around a father & daughter from Travancore migrating to Malabar region and a nair boy marrying the girl after the father’s demise. The drama was well received. However, after the act, I happened to chance upon a Mathrubhoomi edition, in which ‘Balyasakhi’ was severely criticized. Felt very sad on reading that. Apart from Nazir, my other co actor in the movie was Kumari Thankam, a very beautiful and cheerful lady. She is now happily married to producer Sathyapal and has two children.